Dy vëllezër janë vendosur në pranga pasi i kanë prerë kokën gruas së njërit prej tyre. Pasi kishin kryer krimin e tmerrshëm ata e kishin publikuar videon në internet. Dy autorët u arrestuan katër orë pas vrasjes të shtunën në qytetin jugperëndimor të Ahvazit në Iran.
Dhjetëra mijëra njerëz e panë videon në rrjetet sociale, e cila tregonte një burrë që mbante një thikë të madhe ndërsa mbante kokën e prerë me flokë të gjatë në një dorë tjetër.
“Të pandehurit kanë pranuar vrasjen gjatë hetimeve policore dhe janë prezantuar para autoritetit gjyqësor”, u shpreh një oficer policie, raporton agjencia e lajmeve ILNA.
Sipas policisë, shkaqet që kanë çuar në këtë krim horror kanë qenë problemet familjare. Policia nuk i bëri të ditur emrat e burrave ose nuk dha hollësi të mëtejshme mbi vrasjen ose kush e filmoi videon.
Në prill të vitit 2021, një burrë 50-vjeçar qëlloi për vdekje djalin e tij 9-vjeçar. Në 2020, në provincën veriore të Gilanit, një baba i preu kokën vajzës së tij sepse nuk pranonte të dashurin e saj.
